“Kəpəz” Azərbaycan çempionatları tarixindəki antirekordu təkrarlayıb.
Sportfm.az xəbər verir ki, bu, Gəncə təmsilçisinin Premyer Liqanın ilk yeddi oyununda uduzması ilə mümkün olub.

1992-ci ildən keçirilən ölkə çempionatları tarixində 7-ci dəfə bir komanda startda 7 dəfə uduzub. “Kəpəz” belə halla ikinci dəfə üzləşən yeganə klubdur. Qərb təmsilçisi ötən mövsümdə də ilk 7 turu xalsız bitirib. Amma həmin vaxt (2-18) top fərqi indiki ilə (2-20) müqayisədə daha yaxşı olan gəncəlilərin ən uğursuz startı cari mövsümə təsadüf edir.

“Sarı-göylər”dən başqa Kürdəmir “Şirvan”ı 1992, Sumqayıt “Xəzər”i 1994/95, “Şəmkir” 1996/97, Quba “Şahdağ”ı 2000/01, “Şəfa” 2004/05 mövsümündə belə uğursuzluq yaşayıb.

1992-ci ildə çempionatda çıxışını dayandıran “Gənclik” klubuna bütün matçlarda məğlubiyyət verildiyi üçün siyahıya daxil edilməyib

Oxşar xəbərlər

“Kəpəz”dən dördüncü uğursuz start

“Qarabağ” artıq 100-ə çatdı

"Kəpəz"dən antirekord

"Kəpəz" tarixinin utanverici səhifəsi

"Zirə"dən tarixi nəticə