“Qarabağ” rəsmiləri “Portimonense”nin idman direktoru ilə görüşüblər.

Sportfm.az xəbər verir ki, Ağdam klubu ilə Portuqaliya təmsilçisi “Portimonense” arasında əməkdaşlıq inkişaf etdiriləcək.

Bu məqsədlə klubun idman direktoru Fernando Yamada ölkəmizə təşrif buyurub.

“Qarabağ”ın baş direktoru, İdarə Heyətinin üzvü Emrah Çelikel və İdarə Heyətinin üzvü Asif Əsgərov qonaqla görüşüblər. Fernando Yamada “Portimonense”nin prezidenti Rodiney Sampayonun salamlarını çatdırıb. Klub rəhbərləri Kamilo Duranın transferi ilə bağlı görüşmələr zamanı yaranan isti münasibəti növbəti səviyyəyə çatdırmaq üçün belə görüşün də zəruriliyini dilə gətiriblər və ilk olaraq Portuqaliya təmsilçisi Bakıya dəvət olunub.

Klubların rəsmiləri arasında əməkdaşlıq və digər mövzularda müzakirələr aparılıb. İdarə Heyətimizin üzvləri qonaqla xatirə şəkli çəkdiriblər.

Oxşar xəbərlər

AFFA-nın baş katibi “Qarabağ”ın bazasında - FOTO

"Fənərbaxça"nın prezidentinə "Qarabağ" forması hədiyyə edildi - FOTO

“Kəpəz” Sloveniya klubu ilə əməkdaşlıq edəcək

MEDİA rəhbərliyi “Qarabağ”ın qonağı oldu

“Qarabağ” rəsmiləri Adil Əliyevlə görüşdü