İspaniyanın “Real” komandasının sabiq baş məşqçisi Karlo Ançelotti vergidən yayındığı üçün 1 il müddətinə azadlıqdan məhrum edilib.

Sportfm.az xəbər verir ki, bu barədə Madrid Ali Məhkəməsi qərar qəbul edib.

İspaniya qanunlarına görə, adətən, 2 ilə qədər həbs cəzası şərti xarakter daşıyır.

“Məhkəmə Ançelottini 2014-cü ilin vergi dövrü ilə bağlı cinayət törətdiyinə görə 1 il müddətinə azadlıqdan məhrum edir və 2015-ci ilin vergi dövrü ilə bağlı ona bəraət hökmü çıxarır”, – məlumatda deyilir.

Ançelottinin məhkəməsi aprelin 2-də başlayıb. “Relevo” portalının məlumatına görə, ittiham tərəfi hesab edirdi ki, Ançelotti 2014 və 2015-ci illərdə yalnız “Real”dakı maaşından vergi ödəyib, əlavə gəlir mənbələrindən yox. Borcun ümumi məbləği 1,062 milyon avro təşkil edib.

Oxşar xəbərlər

Ançelotti məhkəməyə çağırıldı

"Real" Ançelotti ilə müqaviləni uzatdı - RƏSMİ

Ronaldoya iki il həbs cəzası veriləcək

Ronaldo iki il müddətinə azadlıqdan məhrum edildi

Messi haqqında həbs cəzası