Azərbaycanın daha iki cüdoçusu Macarıstanın paytaxtı Budapeştdə keçirilən dünya çempionatının fərdi yarışında medal qazana bilməyib.

Sportfm.az xəbər verir ki, Fidan Əlizadə (57 kq) 1/16 final mərhələsində Maritsa Perişiçə uduzub. Rəşid Məhəmmədəliyev ilk raunnda Kazbek Naquçevi (BƏƏ) mübarizədən kənarlaşdırıb, ardınca 1/8 finalda Laşa Şavdatuaşvilidən güclü olub. O, 1/4 finalda Baysanqur Baqayevə (Serbiya), təsəlliverici qarşılaşmada isə yapon Tatsuki İşiharaya məğlub olub.

Qeyd edək ki, daha əvvəl olimpiya, dünya və Avropa çempionu Hidayət Heydərov 1/16 final mərhələsində Portuqaliya təmsilçisi Otari Kvantidzeyə yenilib.

Qeyd edək ki, mundialda Azərbaycanı 10 çəki dərəcəsində 13 cüdoçu (9 kişi, 4 qadın) fərdi yarışlarda təmsil edir. Millimiz həmçinin qarışıq komanda yarışında da mübarizə aparacaq. Cüdoçularımız turnirdə hələ ki, medal qazana bilməyiblər.

Oxşar xəbərlər

Hidayət Heydərov və daha iki cüdoçu mübarizəyə başlayır

Cüdoçularımız ilk gündə medalsız qaldı - Dünya çempionatı

3 cüdoçumuz mübarizəyə başlayır - Dünya çempionatı

Cüdoçularımızın rəqibləri bilindi - Dünya çempionatı

Daha bir cüdoçumuz üşün bürünc medal şansı - Avropa çempionatı