Azərbaycanın 20 yaşadək sərbəst güləşçiləri İranın Behşehr şəhərində keçirilmiş “Necad Haşimi kuboku” turnirini beş medalla başa vurublar.

Sportfm.az xəbər verir ki, bu barədə Azərbaycan Güləş Federasiyasının mətbuat xidmətindən məlumat verilib.

Yarışın ikinci günündə Azərbaycanın U-20 yığmasının daha üç üzvü fəxri kürsüyə qalxıb.

Anar Cəfərli (92 kq) və Yusif Dursunov (125 kq) gümüş, Nurlan Ağazadə (70 kq) isə bürünc mükafata sahib çıxıb.

7 ölkənin təmsil olunduğu turnirdə komanda hesabında İran birinci, Hindistan ikinci, Azərbaycan isə üçüncü yeri tutub.

İlk yarış günündə Omar Gülməmmədov (74 kq) gümüş, Sədrəddin Həsənov (57 kq) isə bürünc medal qazanıb.

Oxşar xəbərlər

Arif Abdullayev 20 güləşçi ilə yola çıxır

Cüdoçularımız Avropa Kubokunda 5 medal qazandı

Cüdoçularınız açıq Avropa turnirini 3 medalla başa vurdu

Yığmamız Avropa Çempionatında 2-ci yeri tutdu

Rio-2016: ABŞ-dan 50-ci medal – MEDAL SİYAHISI