Azərbaycan və İordaniya Taekvondo federasiyaları arasında Əməkdaşlıq Memorandumu imzalanıb.

Sportfm.az xəbər verir ki, bu barədə Azərbaycan Taekvondo Federasiyasının (ATF) mətbuat xidmətindən məlumat verilib.

İordaniyada səfərdə olan ATF-nin prezidenti Kəmaləddin Heydərov İordaniya Taekvondo Federasiyasının prezidenti şahzadə Rəşid bin Əl Həsənlə görüşüb.

Görüşdə müvafiq olaraq Azərbaycan və İordaniyada taekvondonun inkişafı sahəsində görülən işlərdən, əldə edilmiş nailiyyətlərdən danışılıb, idmanın bu növünün populyarlığının artırılması məqsədilə hər iki federasiya arasında əməkdaşlığın gücləndirilməsinin əhəmiyyəti qeyd edilib və geniş fikir mübadiləsi aparılıb.

Görüşün sonunda “Azərbaycan Taekvondo Federasiyası və İordaniya Taekvondo Federasiyası arasında taekvondonun inkişafı sahəsində əməkdaşlığın gücləndirilməsi haqqında Əməkdaşlıq Memorandumu” imzalanıb.

Memorandum çərçivəsində Azərbaycan və İordaniya arasında taekvondo üzrə əlaqələrin gücləndirilməsi məqsədilə qarşılıqlı təlim-məşq toplanışları, seminarlar, idmançı və məşqçilərin təcrübə mübadiləsi və digər məsələlər üzrə əməkdaşlıq nəzərdə tutulur.

Oxşar xəbərlər

Azərbaycan və Kuba Gimnastika Federasiyaları memorandumu imzalandı

Azərbaycan və Gürcüstan Qolf Federasiyaları əməkdaşlığa başladı

Azərbaycan və Türkiyə federasiyaları arasında memorandum imzalandı

Azərbaycan Özbəkistanla əməkdaşlıq edəcək - Cüdo sahəsində

Taekvondo üzrə “Koreya səfiri kuboku” keçiriləcək