Azərbaycanın 17 yaşadək qadın futbolçulardan ibarət millisi Avropa çempionatının II seçmə mərhələsində bu gün Malta ilə qarşılaşıb.

Sportfm.az xəbər verir ki, B Liqasının II qrupunda yer alan komandaların oyununu portuqaliyalı baş hakim Filipa Pereyra Kunya idarə edib.

Görüş Bayıl stadionunda, saat 13:00-da başlayıb. Millimiz rəqibinə 2-0 hesabı ilə uduzub.

Qrupun digər matçında eyni vaxtda Lüksemburq və Bolqarıstan kollektivləri üz-üzə gəlib.

Son turdan öncə Lüksemburq altı xalla qrup lideridir. Azərbaycan və Bolqarıstan milliləri hərəyə üç xalla müvafiq olaraq ikinci və üçüncü pillələrdə qərarlaşıblar. Qrup sonuncusu Maltanın hesabında xal yox idi.

Qeyd edək ki, Nərgiz Qurbanovanın rəhbərlik etdiyi Azərbaycan millisi qrupda daha əvvəl keçirdiyi görüşlərdə Lüksemburqa 0:5 hesabı ilə məğlub olub, Bolqarıstana isə qalib gəlib - 3:2.

Oxşar xəbərlər

Yığmamız Maltaya qarşı

Millimiz Lüksemburqa məğlub oldu

Millimiz seçmə mərhələdə ilk oyununa çıxır

Millimiz Estoniyaya uduzdu

Azərbaycan millisi Lüksemburqa qarşı - Avropa çempionatı