Bu gün 22 iyul - Milli Mətbuat Günü ilə əlaqədar olaraq Azərbaycan Güləş Federasiyası və İdman Araşdırmalar Mərkəzinin təşkilatçılığı ilə idman jurnalistləri və güləş üzrə ölkə yığma komandalarının idmançı və məşqçi heyəti arasında futzal üzrə yoldaşlıq görüşü keçirilib.

Sportfm.az saytı xəbər verir ki, yoldaşlıq matçı saat 18:30-da Olimpiya Güləş Mərkəzinin oyun zalında baş tutub. Dostluq şəraitində keçən oyunda güləş yığmamızın üzvləri və məşqçiləri jurnalistlər yığmasına 6:3 hesabı ilə qalib gəlib. Oyun başa çatdıqdan sonra jurnalistlər üçün ziyafət verilib. Sərbəst güləş üzrə böyüklərdən ibarət Azərbaycan yığma komandasının baş məşqçisi Firdovsi Umudov çıxış edərək mətbuat nümayəndələrini peşə bayramı münasibətilə təbrik edib.