Azərbaycan sərbəst güləşçisi Arseniy Djioyev Albaniyanın paytaxtı Tiranada keçirilən U-23 Avropa çempionatının qızıl medalını qazanıb.

Sportfm.az xəbər verir ki, 86 kq çəki dərəcəsində mübarizə aparan təmsilçimiz finalda Fransa idmançısı Raxim Maqamadova 9:2 hesabı ilə qalib gəlib.

74 kq çəkidə yarışan Ağanəzər Novruzov finalda rusiyalı İsmayıl Xaniyevə uduzaraq gümüş medalla kifayətlənib. Daha bir gümüş medalı isə Ceyhun Allahverdiyev (61 kq) aktivinə yazdırıb.

Yusif Dursunov (125 kq) və Sadiq Mustafazadə (92 kq) isə üçüncü yer uğrunda görüşdə qalib gələrək bürünc medala sahib çıxıblar.

Oxşar xəbərlər

Güləşçimiz erməniyə qalib gəlib Avropa çempionu oldu - UĞUR

Cüdoçularımız 4 medal qazandı

Sərbəst güləşçilərimiz 3 medal qazandı

Güləşçilərimiz ikinci yarış günündə 4 medal qazandı

Rio-2016: Türkiyə ikinci medalını qazanıb