Polşa Ekstraklasasında 23-cü tura start verilib.

Sportfm.az xəbər verir ki, turun açılış matçında Azərbaycan milli komandasının üzvləri - Rahil Məmmədov və Renat Dadaşovun çıxış etdiyi "Radomyak" öz meydanında “Vidzev”i qəbul edib. Görüş 1:1 hesabı ilə yekunlaşıb.

Rahilin adı matçın iştirak ərizəsinə daxil edilməyib. Görüşə ehtiyat oyunçular skamyasından başlayan Renat isə 80-ci dəqiqədə Roberto Alvesin yerinə meydana çıxıb.

Millimizin hücumçusunun yeni klubunda debütu uğurlu alınıb. Dadaşov 90-cı dəqiqədə fərqlənməklə komandasını məğlubiyyətdən xilas edib.

Bu heç-heçə ilə xallarının sayını 25-ə çatdıran “Radomyak” 18 komanda arasında 13-cü pillədə qərarlaşıb.

Oxşar xəbərlər

Renat Dadaşov yeni komandasının ən bahalı oyunçusu oldu

Renat Dadaşov Polşa klubunda

Rahilin komandası məğlub oldu

Rahil debüt etdi, komandası qələbə qazandı

Dadaşovun komandası xal itirdi