“Qarabağ” Misli Premyer Liqasının 2024/25 mövsümündə ilk dəfə bir oyunda 3 top buraxıb.

Sportfm.az xəbər verir ki, Ağdam klubu 21-ci turda səfərdə “Zirə”yə 2:3 hesabı ilə uduzub. Fasiləyə 2:0 hesabı ilə öndə yollanan Qurban Qurbanovun komandası ikinci hissədə qapısında 3 qol görüb.

“Qarabağ” sonuncu dəfə ötən mövsümün “Turan Tovuz”la görüşündə 3 qol buraxmışdı. Mayın 17-də keçirilən ev qarşılaşmasında ağdamlılar 4:3 hesabı ilə qalib gəlib. 261 gün əvvəl də “Qarabağ” bir hissədə 3 top buraxıb.

Ötən tur “Turan Tovuz”a 1:2 hesabı ilə uduzan Ağdam təmsilçisi ardıcıl 2 məğlubiyyət alıb. Bu, son 7 mövsümdə ilk belə hadisədir. 2017/18 mövsümünün sonunda “Qarabağ” “Neftçi”yə 0:1, indi “Şamaxı” adlanan “Keşlə”yə 0:3 hesabı ilə uduzub.

Oxşar xəbərlər

“Turan Tovuz” “Neftçi”nin göstəricisini təkrarladı

“Neftçi”dən antirekord - Misli Premyer Liqası

“Qarabağ” rekordunu təkrarladı

“Qarabağ”da məğlubiyyətsiz oyunlar seriyası 25-ə çatdı

“Qarabağ” “Neftçi”nin rekordunun iki addımlığında