İtaliyanın "Yuventus" klubu hücum xəttini yeni oyunçu ilə gücləndirəcək.

Sportfm.az xəbər verir ki, A Seriyası nəhəngi PSJ-dən Randal Kolo Muanini icarəyə götürüb. Bu barədə klubun mətbuat xidməti məlumat yayıb.

Fransalı hücumçu mövsümün ikinci yarısını "ağ-qaralar"ın heyətində keçirəcək. "Yuventus" 26 yaşlı forvard üçün Fransa klubuna 1+2 milyon avro icarə haqqı ödəyəcək.

Qeyd edək ki, PSJ Randal Kolo Muanini 2023-cü ilin sentyabr ayında "Ayntraxt"dan transfer edib. Fransa millisinin üzvü bu mövsüm Paris təmsilçisinin heyətində meydana çıxdığı 14 rəsmi matçda 2 qol və 1 məhsuldar ötürmə ilə yadda qalıb.

Oxşar xəbərlər

20 yaşlı özbək oyunçu "Mançester Siti"də

Millinin üzvü maliyyə sıxıntısı yaşayan "Lion"a keçdi - FOTO

Onların yeni hədəfi - Enzo

İmmobile İstanbul klubunda - RƏSMİ

95 milyonluq şişirdilmiş transfer - FOTO