"Sevilya" ilə danışıqlar davam edir, futbolçunun xoşbəxt olduğu yerdə oynamasını təmin etmək istəyirik.

Sportfm.az xəbər verir ki, bunu açıqlamasında "Qarabağ"ın baş direktoru Emrah Çelikel Olavio Juninyonun İspaniya təmsilçisinə mümkün keçidi ilə bağlı danışarkən deyib.

Funksioner danışıqların hələlik yekunlaşmadığını söyləyib:

"Hazırda nəticə əldə olunmayıb. İşlər yekunlaşmadıqca, bu barədə geniş açıqlama verməyin düzgün olmadığını hesab edirəm. Proses davam edir. Tərəflərin maraqlarına uyğun nələrsə dəyişə, iki klubdan biri imtina edə bilər. Amma danışıqlar davam edir, oyunçu da bu keçiddə maraqlıdır. Biz də onun xoşbəxt olduğu yerdə oynamasını təmin etmək istəyirik".

İspaniyanın "Ficherio" nəşri Juninyonun "Sevilya"ya transferinin tamamlanmaq üzrə olduğunu və razılaşma üçün bəzi detalların qaldığını vurğulayıb.

Qeyd edək ki, "Sevilya" bir müddət əvvəl Ağdam təmsilçisinin forvardı üçün rəsmi təklif göndərib. Tərəflər arasında ilkin danışıqlar uğursuz alınmışdı. (Report)

Oxşar xəbərlər

“Şadam ki, “Sevilya” kimi klub Juninyo üçün təklif göndərib” - Qurban Qurbanov

Juninyo daha bir tanınmış klubun transfer siyahısında

Təsdiqləndi - İspaniya klubundan rəsmi təklif gəlib

"Sevilya" “Qarabağ”ın Juninyosunu istəyir

Azərbaycan - Estoniya oyunu Qəbələdə keçirilə bilər