Azərbaycan Milli Antidopinq Agentliyi (AMADA) beynəlxalq konfrans təşkil edəcək.
Sportfm.az xəbər verir ki, cari il üçüncü dəfə beynəlxalq konfrans təşkil edəcək qurum dekabrın 16-da idman ictimaiyyətinin nümayəndələrini və antidopinq sistemində məsul şəxsləri yenidən bir araya toplayacaq.

Gənclər və İdman Nazirliyinin dəstəyi ilə Bakıda “Təmiz qələbə: Olimpiya ilinə yenidən baxış” adı altında təşkil olunacaq beynəlxalq konfransda dövlət rəsmiləri, olimpiya çempionları, federasiya rəhbərləri, həmçinin Ümumdünya Antidopinq Agentliyinin (WADA), Beynəlxalq Test Agentliyinin (ITA), digər ölkələrin milli antidopinq təşkilatlarının rəhbər şəxsləri, nüfuzlu ali təhsil ocaqlarının professorları və mütəxəssislər iştirak edəcəklər.

Sessiyalar üzrə davam edəcək konfransda Paris-2024 Yay Olimpiya Oyunlarının yekunlarına nəzərə salınacaq, dopinqin aşkarlanmasında yenilikçi tədqiqatlar və gələcək çağırışlar, dopinq nəzarəti prosesində dəqiqlik, Olimpiya antidopinq səylərində əldə olunan nailiyyətlər, antidopinqdə təhsil və elmin öncüllüyü kimi mövzular müzakirə olunacaq.

Tədbirin məqsədi antidopinq sahəsindəki təcrübə və biliklərin artırılması, elmi araşdırmaların dəstəklənməsi, həmçinin idmançılar və idman ictimaiyyəti arasında dopinqə qarşı mübarizənin və maarifləndirmənin gücləndirilməsindən ibarətdir.

Konfrans çərçivəsində AMADA və “Gilavar” Foto Klubunun birgə təşkil etdiyi “Olimpiya ruhu: Qələbə və məğlubiyyətdən kənar” adlı beynəlxalq müsabiqənin qalib fotolarından ibarət sərgi nümayiş olunacaq.

Oxşar xəbərlər

AMADA beynəlxalq müsabiqəyə start verdi

AMADA UKAD-ın rəhbərlik etdiyi beynəlxalq işçi qrupuna dəvət aldı

AMADA yeni cəlb olunmuş dopinq nəzarəti inspektorları üçün təlim təşkil etdi

AMADA-nın təşkilatçılığı ilə beynəlxalq elmi-praktik konfrans keçiriləcək

AMADA əməkdaşları beynəlxalq inspektor statusu alacaq