Çempionlar Liqasının, Avropa Liqasının və Konfrans Liqasının Liqa mərhələlərinin bu həftə keçirilən matçlarından sonra UEFA klub reytinqi yenilənib.

Sportfm.az xəbər verir ki, Azərbaycan təmsilçisi "Qarabağ" AL-in 3-cü turu çərçivəsində Bakıda "Ayaks"la qarşılaşıb. 9 nəfərlə qalan Ağdam təmsilçisi 0:3 hesabı ilə uduzub.

Qurban Qurbanovun komandası UEFA reytinqində “Ferentsvaroş”la 58-ci pilləni bölüşür. Hər iki komandanın hesabında 32,000 xal var.

“Qarabağ” əvvəlki reytinqlə müqayisədə 1 pillə geriləyib. “Qarabağ” klub reytinqində ilk 100-lükdə yer alan yeganə Azərbaycan klubudur.

Qeyd edək ki, sıralamaya 130 xalla "Mançester Siti" liderlik edir.

Oxşar xəbərlər

Azərbaycan UEFA reytinqində gerilədi

“Zirə” Azərbaycana xal qazandırdı - UEFA reytinqi

"Zirə" reytinqimizə kömək etmədi

"Qarabağ" və "Neftçi" dünya reytinqində irəlilədi

Azərbaycan klublarının UEFA reytinqi