Azərbaycanın gənc taekvondoçuları Latviyada keçirilən G-1 kateqoriyalı Riqa açıq birinciliyində 13 medal qazanıblar.

Sportfm.az xəbər verir ki, yığmanın heyətində bütün rəqiblərinə qalib gələn İlyas Hətəmli (48 kiloqram), Məhəmməd Həsənli (⁠51 kiloqram), Fuad Məhərrəmli (⁠55 kiloqram) və Elcan Əliyev (⁠78 kiloqram) fəxri kürsünün ən yüksək pilləsinə qalxıblar.

Yalnız finalda məğlub olan Nərgiz Kazımova (63 kiloqram) və Yunis Hüseynov (68 kiloqram) ikinci yeri tutublar.

Digər taekvondoçulardan Nilufər Borci (49 kiloqram), Sehri Cəlalova (55 kiloqram), Fatimə Həsənova (⁠59 kiloqram), Harun Salmanzadə (⁠51 kiloqram), Ziya Həsənli (⁠59 kiloqram), Hüseyn Xudiyev (⁠73 kiloqram) və Allahverdi Məmmədov (⁠+78 kiloqram) isə bürünc mükafata layiq görülüblər.

Qeyd edək ki, milli komanda Bakıya sentyabrın 16-da qayıdacaq.

Oxşar xəbərlər

Gənc güləşçilərimiz Gürcüstandan 7 medalla qayıtdı

2024-ün ilk beynəlxalq yarışında hansı idmançılarımız olacaq?

İki güləşçimiz dünya çempionu oldu

Hərbçilər arasında dünya çempionatında 26 güləşçimiz yarışacaq - SİYAHI

Bu gün 7 cüdoçumuz mübarizəyə qoşulur - Avropa çempionatı