UEFA Çempionlar Liqasının ilkin mərhələsində bu gün Estoniya çempionu “Sillamae Silla” ilə qarşılaşan “Araz-Naxçıvan” böyükhesablı qələbə qazanıb.
Sportfm.az xəbər verir ki, yerə rəqib qapısından 7 top keçirən ölkə çempionu qapısını toxunulmaz saxlayıb. Matçdan sonra “qırmızı-ağlar”ın baş məşqçisi Vitali Borisov azfutzal.az saytına açıqlama verib.

O, oyunlarında inkişaf olduğunu bildirib: “Dünənki oyunla müqayisədə bu gün daha yaxşı oynadıq. Oyunumuzda sürət artmışdı. Düzdür, yenə qol epizodlarından istədiyimiz qədər faydalana bilmədik. Rəqibin də 4-5 qol epizodu oldu, amma qapıçılarımız yaxşı oynadı. Son addım qalıb. İnşallah, bu iki oyunda qaçırdığımız epizodları “Uddevalla” matçda realizə edərik”.

Qeyd edək ki, ilk oyunda Şimali İrlandiyanın “Sparta Belfast” klubuna 7:1 hesabı ilə qalib gələn "Araz-Naxçıvan" avqustun 24-də İsveçin “Uddevalla” klubu ilə qarşılaşacaq.

Oxşar xəbərlər

"Araz-Naxçıvan" 7 qolla qalib gəldi - Çempionlar Liqası

Azərbaycan klubu Çempionlar Liqasına qələbə ilə başladı

"Araz-Naxçıvan" mübarizəyə başlayır - Çempionlar Liqası

“Araz-Naxçıvan” İsveçə yollandı

“Araz-Naxçıvan”ın Çempionlar Liqasındakı rəqibləri bilindi