Azərbaycan şahmatçıları Çexiyanın paytaxtı Praqada uşaq və yeniyetmələr arasında təşkil olunacaq Avropa çempionatında iştirak edəcəklər.

Sportfm.az xəbər verir ki, turnirdə ötən ilin Avropa çempionları Rüstəm Rüstəmov, Mehriban Əhmədli, Məhəmməd Kazımzadə, bürünc medalçı Səadət Bəşirli, eləcə də Paşam Əlizadə, Lalə Hüseynova, Şiroğlan Talıbov, Tunar Davudov, Zəhra Allahverdi, Əhməd Hüseynov və digərləri qüvvələrini sınayacaqlar. Azərbaycan nüfuzlu yarışda ümumilikdə 40 iti zəka sahibi ilə təmsil olunacaq.

Turnirdə 40-dan çox ölkədən şahmatçılar 8-dən 18 yaşa qədər olan kateqoriyalarda medallar uğrunda mübarizə aparacaqlar.

Avqustun 22-də start götürəcək Avropa çempionatına ayın 31-də yekun vurulacaq.

Oxşar xəbərlər

14 cüdoçu ilə təmsil olunacağıq

Ölkəmizi Avropa çempionatında təmsil edəcək şahmatçılar - SİYAHI

İlk dəfə Avropa çempionatında iştirak edəcəyik

Şahmatçılarımız Avropa çempionatında birinci oldu

Şahmat Olimpiadasına qatılacaq Azərbaycan komandaları - SİYAHI