"Bakı trası əslində haqqında deyildiyi kimi o qədər də təhlükəli deyil". 

Sportfm.az xəbər verir ki, bunu Azərbaycan Qran Prisi çərçivəsində keçirilən Formula 2 yarışında qalib olmuş Prema Racing komandasının pilotu Şarl Leklerk yarışdan sonra keçirilən mətbuat konfransında deyib.

Onun sözlərinə görə, Bakı trası kombinə olunmus trasdır: "Tras elə də təhlükəli deyil. Bəli, burada təhlükəli və sərt döngələr var, xüsusən də 8-ci döngədə nəsə qəza olanda, digər pilotlara onu ötüb keçmək çətin olur. Amma ümumilikdə, tras maraqlıdır - burada düz uzun yol da var, maraqlı döngələr də".