Bu gün 3x3 basketbol üzrə Dünya Qadın Seriyasının Qəbələ mərhələsinə start veriləcək.

Sportfm.az xəbər verir ki, turnirdə 5 milli komanda və 3 klub olmaqla, ümumilikdə 8 kollektiv 2 qrupda çıxış edəcək.

A qrupunda Azərbaycan, Portuqaliya, yığmaları, həmçinin "Baku Flames" və "Warsaw Lotto" (Polşa) klubları mübarizə aparacaq.

B qrupunda isə İtaliya, Rumıniya və Polşa milliləri ilə yanaşı, "Barcelona Panthers" (İspaniya) klubu yer alıb.

Reqlamentə əsasən, qrup qalibləri birbaşa yarımfinala yüksələcək. İkinci və üçüncü sıranın sahibləri isə bir-biriləri ilə çarpaz şəkildə 1/4 final mərhələsində üz-üzə gələcəklər.

Qəbələ mərhələsinin açılış oyunu saat 16:30-da Azərbaycan millisi və "Baku Flames" klubu arasında baş tutacaq.

Oxşar xəbərlər

Hokkey komandamız B Liqasının qalibi oldu - Kazanda

“Neftçi”nin oyunlarının təqvimi bilindi - Dünya Qadın Seriyası

“Neftçi” ABŞ millisi ilə qarşılaşacaq - Dünya Qadın Seriyası

“Neftçi”nin oyun təqvimi açıqlandı - Dünya Qadın Seriyası

Azərbaycanda voleybol üzrə Avropa çempionatına start verilir