Bakı İdman Sarayında keçirilən U-23 Avropa çempionatı davam edir.
Sportfm.az xəbər verir ki, yarışın 5-ci günündə Azərbaycanın 8 güləşçisi mübarizə aparacaq.

Sərbəst güləşçilərdən Elman Ağayev (57 kq), Musa Ağayev (65 kq), Kənan Heybətov (70 kq), Əli Tsokayev (79 kq) və Rəvan Musayev (97 kq) mübarizəyə ilkin mərhələdən start verəcək. Görüşlər saat 10:30-da başlayacaq.

Qadın güləşçilərdən Elnurə Məmmədova (53 kq) və Jalə Əliyeva (57 kq) bu gün final görüşünə çıxacaq. Mərziyyə Sadıqova (72 kq) isə bürünc medal uğrunda mübarizə aparacaq. Bu qarşılaşmalar saat 18:00-da başlayacaq.

Qeyd edək ki, buna qədər Azərbaycan millisinin üzvləri 9 medal qazanıblar. Ziya Babaşov (63 kq), Xasay Həsənli (77 kq) və Qurban Qurbanov (82 kq) çempion olublar. Nihad Quluzadə (60) gümüş, Ruslan Nurullayev (72 kq), Rəşad Məmmədov (55 kq), Laçın Vəliyev (87 kq), Murad Əhmədiyev (97) və Ruzanna Məmmədova (59 kq) bürünc medala yiyələnib.

Oxşar xəbərlər

İki sərbəst güləşçimiz finalda - Avropa çempionatı

Güləşçimiz gümüş medal qazandı - Avropa çempionatı

7 güləşçimiz bu gün AÇ-də mübarizə aparacaq

Güləşçilərimizdən 2 qızıl, 2 bürünc medal - Avropa çempionatı

Bu gün Azərbaycanın 9 güləşçisi çıxış edəcək - Avropa çempionatı