Gənc boksçulardan ibarət Özbəkistan və Serbiya milli komandaları Azərbaycanda səfərdədir.
Sportfm.az xəbər verir ki, qonaqlar Bakı Boks Mərkəzində Avropa birinciliyinə hazırlaşan yığmamızla birgə məşq edirlər.

20 idmançıdan ibarət heyətlə ölkəmizə gələn özbəklər və serblər təlim-məşq toplanışı çərçivəsində millimizin üzvləri ilə sınaq döyüşlərində də güclərini yoxlayırlar. Komandalar martın 31-dək birgə hazırlıq keçəcəklər.

Azərbaycan yığmasının baş məşqçisi Elbrus Rzayev birgə hazırlığın gələcək uğurlar üçün faydalı olacağını bildirib. Onun sözlərinə görə, məhz belə toplanışlarda boksçuların güclü və zəif cəhətləri daha çox nəzərə çarpır, onlar üzərində xüsusi işlənilir.

Qeyd edək ki, Avropa birinciliyi aprelin 2-15-də Xorvatiyanın Poreç şəhərində keçiriləcək.

Oxşar xəbərlər

Özbəklər Bakını seçdi - Hazırlıq üçün

Qazaxıstan, Özbəkistan və Fransa boksçuları Bakıda məşq edir - TOPLANIŞ

Millimiz Qazaxıstanla birgə hazırlaşır

Türkiyə və Azərbaycan millisi bir araya gələcək - Təlim-məşq toplanışı

Boksçularımız Antalya toplanışında