“Araz-Naxçıvan”ın futbolçusu Orxan Əliyev Azərbaycan çempionatlarında 25-ci qolunu vurub.
Sportfm.az xəbər verir ki, 29 yaşlı hücumçunun yubileyi Misli Premyer Liqasının 23-cü turuna təsadüf edib.

“Səbail”lə səfər görüşündə (2:2) dubla imza atan futbolçu öncə 25-ci, ardınca 26-cı qolunu vurub. O, çempionatda keçirdiyi 144-cü matçda “25”i keçib.

Əliyev bu qollarını üç klubda vurub. O, “Sumqayıt”da 14, “Araz-Naxçıvan”da 9, “Kəpəz”də 3 dəfə fərqlənib. Orxan Azərbaycan çempionatları tarixində ən azı 25 qol vuran 124-cü futbolçudur.

Qeyd edək ki, bu mövsüm çempionatda 9 qol vuran Orxan Əliyev "Araz-Naxçıvan"ın bombardiridir.

Oxşar xəbərlər

“Araz-Naxçıvan”ın futbolçusunun 25-ci qolu

“Kəpəz”in futbolçusu 50-yə çatdı

“Araz-Naxçıvan”dan 100-cü qol

“Araz-Naxçıvan” 50-ci qolunu vurdu

“Sumqayıt”da 350-ci qol - Azərbaycan çempionatları