Bakıda keçirilən 4-cü İslam Həmrəylik Oyunlarında qızıl medal qazanan Azərbaycan futbol millisinə AFFA da mükafat verəcək. 

Sportfm.az saytı qafqazinfo-ya istinadən xəbər verir ki, federasiya rəhbərliyi yığmanın hər bir üzvünə 20 min manat təqdim edəcək. 

Komanda ilə son görüşdə AFFA rəhbərliyi bu barədə futbolçulara məlumat verib. 

AFFA-nın mətbuat və ictimaiyyətlə əlaqələr departamentinin rəhbəri Mikayıl Nərimanoğlu da bu informasiyanı təkzib etməyib: "Məsələ hələ tam rəsmiləşməyib. Hər halda yaxın günlərdə bu barədə məlumat veriləcək".