Futbol üzrə Azərbaycan Premyer Liqasında 14 ildən sonra heç-heçə seriyası qeydə alınıb.

Sportfm.az Peşəkar Futbol Liqasının rəsmi saytına istinadən xəbər verir ki, bu, cari mövsümün 15-ci turunun matçlarının heç-heçə nəticələnməsi ilə gerçəkləşib.

“Araz-Naxçıvan” – “Səbail” görüşü 1:1, “Turan Tovuz” – “Sumqayıt” qarşılaşması 2:2 hesabı ilə nəticələnib.

15-ci turun son günündə də iki bərabərlik qeydə alınıb. “Neftçi” – “Araz-Naxçıvan” (1:1) və “Sumqayıt” – “Zirə” (0:0) oyunlarında qalib müəyyənləşməyib.

Bu, ölkə çempionatları tarixində iki günü əhatə edən 9-cu heç-heçə seriyasıdır. Amma əvvəlki 8 belə seriyadan yeddisində oyun sayı daha az olub.

Yalnız 14 il əvvəl – 2009-cu ilin dekabrında iki fərqli turu əhatə edən iki gün ərzindəki 4 matçda qalib müəyyənləşməyib. Ayın 6-da üç, 8-də bir matç keçirilib ki, onların hamısı bərabərliklə nəticələnib. 13-cü turun “İnter” – “Xəzər Lənkəran” və “Qəbələ” – “Qarabağ” oyunları 1:1, həmin gün baş tutan “Muğan” – “Simurq” və 14-cü turun “Karvan” – “Turan” görüşləri qolsuz bitib.

Oxşar xəbərlər

"Neftçi" "Araz-Naxçıvan"la heç-heçə etdi - Misli Premyer Liqası

Premyer Liqamızda 2023-cü ilin rekordu

2-ci dövrənin ilk turu rəqəmlərin gözü ilə

Bu mövsümün rekordu qeydə alındı - Misli Premyer Liqası

100-cü heç-heçə