“Real”ın prezidenti Florentino Peres Avropa Superliqası arzusundan əl çəkmir.
Sportfm.az arici KİV-ə istinadən xəbər verir ki, o, İngiltərə klublarının məsələ ilə bağlı mövqeyindən asılı olmayaraq sözügedən turniri bərpa etməyə çalışacaq.

Dekabrın 21-də Avropa İttifaqının Ədalət Məhkəməsi UEFA ilə Superliqa arasında gedən proseslərdə son qərarı elan edəcək. Məhkəmə turnirin UEFA-nın himayəsi xaricində keçirilməsi barədə qərar versə, Peres dərhal prosesi sürətləndirəcək.

Onun iştirakçıların tərkibindən asılı olmayaraq, Superliqaya start verəcəyi bildirilib.

Xatırladaq ki, 2021-ci ilin aprelində “Mançester Yunayted”, “Mançester Siti”, “Arsenal”, “Liverpul”, “Tottenhem”, “Çelsi”, “Real”, “Barselona”, “Atletiko”, “Yuventus”, “Milan” və “İnter” klubları Avropa Superliqasını yaratdıqlarını açıqlayıblar. Lakin UEFA-nın təzyiqindən sonra “Real”, “Barselona” və “Yuventus”dan başqa, digər klublar turnirdən imtina ediblər.

Oxşar xəbərlər

Avropa İttifaqının üzvləri bəyanat imzaladı - Superliqaya qarşı

Utopiya reallığa çevrilir - Avropa Super Liqası başlayır

UEFA sanksiyaları ləğv etdi - “Real”, “Barselona” və “Yuventus” cəzalanmayacaq

UEFA Avropa nəhənglərinə uduzdu - Sanksiyalar ləğv edildi

Avropa nəhənglərinə intizam işi açıldı - Superliqadan geri çəkilmirlər