Monteneqroda şahmat üzrə komandalar arasında Avropa çempionatında III turun oyunları keçirilib.
Sportfm.az xəbər verir ki, kişi şahmatçılardan ibarət Azərbaycan millisi bu dəfə İsveçi üstələyib. Milli 3,5-0,5 hesabı ilə qələbə qazanıb. Azərbaycan millisində Şəhriyar Məmmədyarov, Rauf Məmmədov və Vasif Durarbəyli partiyaları qələbə ilə başa vurub. Teymur Rəcəbov heç-heçə oynayıb.
Qadın şahmatçılardan ibarət Azərbaycan millisi itkisiz irəliləyir. III turda xanım şahmatçılar Polşanı məğlub edib 3-1. Şahmatçılardan Günay Məmmədzadə və Gülnar Məmmədova heç-heçəyə razılaşıb, Xanım Balacayeva və Ülviyyə Fətəliyeva qələbə qazanıb.
Bu gün Avropa çempionatında IV turun görüşləri keçiriləcək. Kişi şahmatçılardan ibarət Azərbaycan millisi Xorvatiya, qadın şahmatçılar isə Fransa ilə qarşılaşacaq.

Oxşar xəbərlər

Ölkəmizi Avropa çempionatında təmsil edəcək şahmatçılar - SİYAHI

Azərbaycan millisi Gürcüstana qalib gəldi

Azərbaycan millisi Gürcüstana uduzdu

Azərbaycan millisi Gürcüstanla heç-heçə etdi

Azərbaycan millisinin Avropa çempionatı üçün heyəti - SİYAHI