Bakıda keçiriləcək hərbçilər arasında 36-cı dünya çempionatında 19 ölkə iştirakını təsdiqləyib.
Sportfm.az xəbər verir ki, bu barədə Dövlət Sərhəd Xidməti “Sərhədçi” İdman Mərkəzinin rəisi Elşən Mirzəyev mətbuat konfransında məlumat verib.

O bildirib ki, yarışla bağlı Beynəlxalq Hərbi İdman Şurasının internet saytı vasitəsilə təşkilata üzv ölkələrə dəvət göndərilib: “Çempionatda sərbəst güləş üzrə 103, yunan-Roma güləşi üzrə 156 iştirakçı olmaqla, ümumilikdə 259 idmançı və 87 rəsmi şəxsin iştirakı dəqiqləşdirilib. İştirakla bağlı sifarişlər gəlməkdə davam edir. Təxminən 400-ə yaxın heyətin iştirakı gözlənilir”.

E.Mirzəyev Azərbaycan yığmasının dünya çempionatında çıxış edəcək heyətinin bəlli olduğunu söyləyib: “Ancaq təlim-məşq toplanışında zədə və ya başqa problem yarana bilər. Buna görə də, tam heyət yarışa az vaxt qalmış müəyyənləşəcək”.

Qeyd edək ki, Dövlət Sərhəd Xidmətinin, həmçinin Gənclər və İdman Nazirliyinin təşkilatçılığı ilə 27 noyabr - 3 dekabr tarixlərində “İdmanla dostluq” şüarı altında “Sərhədçi” İdman Mərkəzində hərbçilər arasında 36-cı dünya çempionatı təşkil olunacaq.

Oxşar xəbərlər

Ölkə çempionatında bir ilk yaşanacaq

İki güləşçimiz dünya çempionu oldu

Güləş yığmalarımız Dünya çempionatına hazırlıqları davam etdirir

Bakıda növbəti idman turniri keçiriləcək

Hərbçi güləşçilərimiz Makedoniyada yarışacaqlar