Rəşad Sadıqov Azərbaycan çempionatlarında baş məşqçi kimi 100-cü oyununu keçirib.
Sportfm.az xəbər verir ki, yalnız bir klubda çalışan 41 yaşlı mütəxəssis bu matçların hamısında “Zirə”nin “sükanı arxası”nda olub.

Onun yubileyi Misli Premyer Liqasının 8-ci turunda gerçəkləşib. “Araz-Naxçıvan”la səfər görüşündə onun yetirmələri 0:1 hesabı ilə uduzub.

2020-ci ilin yayından qəsəbə klubuna rəhbərlik edən Sadıqov 2020/21 və 2021/22 mövsümlərinin hərəsində 28, ötən çempionat 36 görüşün iştirakçısı olub. Cari mövsümün 8 qarşılaşmasını da nəzərə alsaq, mütəxəssis bu matçlarda 39 qələbə, 34 heç-heçə və 27 məğlubiyyətə şahid olub.

Qeyd edək ki, Sadıqov Azərbaycan çempionatları tarixində ən azı 100 matçda baş məşqçi olan 30-cu mütəxəssisdir.

Oxşar xəbərlər

Bombardirdən yubiley qolu

Qurbanovun Premyer Liqada 500-cü oyunu

Rəşad Sadıqov baş məşqçi kimi ilk titulunu əldə etdi

"Sumqayıt"ın baş məqşçisi üçün əlamətdar tur

Rəşad Sadıqov məşqçi kimi debüt etdi