Bakıda voleybol məşqçiləri üçün növbəti beynəlxalq seminar start götürüb.
Sportfm.az xəbər verir ki, Beynəlxalq Voleybol Federasiyası (FİVB) və Azərbaycan Voleybol Federasiyasının (AVF) birgə təşkilatçılığı ilə baş tutan FİVB-nin Level 2 seminarı sentyabrın 15-dək davam edəcək.

Gənclər və İdman Nazirliyinin Voleybol Mərkəzində təşkil olunan tədbirə türkiyəli Cengiz Akarçeşmə rəhbərlik edir. Yerli və xarici mütəxəssislərin iştirak etdiyi seminarda C.Akarçeşmənin köməkçisi daha öncə FİVB-nin məşqçilik sertifikatı almış, çimərlik voleybolu üzrə məşqçi Nihad Tanriverdiyevdir.

Nəzəriyyə və təcrübədən ibarət seminarın son günü imtahan təşkil ediləcək və bu mərhələni uğurla keçəcək mütəxəssislərə FİVB-nin Level 2 dərəcəli beynəlxalq sertifikatı veriləcək.

Qeyd edək ki, 3-7 iyul tarixlərində Bakıda FİVB-nin Level 1 seminarı keçirilib. Noyabrda isə ölkəmizdə FİVB Level 3 beynəlxalq seminarının təşkili nəzərdə tutulub.

Oxşar xəbərlər

Bakıda məşqçilər üçün növbəti beynəlxalq seminar

Voleybol məşqçiləri üçün seminar keçirildi

Məşqçilər üçün beynəlxalq kurs keçirilir - Bakıda

Millimiz 52-ci sırada qərarlaşdı - FIVB reytinqi

Elnur Məmmədov daha bir plan hazırladı