Azərbaycan Premyer Liqasının 5-ci turunun “Zirə” ilə oyunundan (1:0) sonra qısa istirahətə buraxılan “Qəbələ” hazırlıq prosesinin Bakı mərhələsini başa vurub.

Sportfm.az xəbər verir ki, “Qırmızı-qaralar” üç gün Bakı Olimpiya Stadionunda məşq edib.

Elmar Baxşıyevin baş məşqçisi olduğu komanda bu gün Qəbələyə yola düşüb. “Qırmızı-qaralar” millilərin oyunları ilə əlaqədar yaranan fasilədəki hazırlığını doğma stadionda davam etdirəcək.

“Qəbələ” sabah yoxlama görüşündə qüvvəsini sınayacaq. Qəbələ şəhər stadionundakı matçda “qırmızı-qaralar” “Araz-Naxçıvan”la üz-üzə gələcək. Oyun saat 17:00-da başlayacaq.

Qarşılaşmadan sonra məşqlərini öz arenasında gerçəkləşdirəcək “Qəbələ” 6-cı turun “Turan Tovuz”la səfər matçına Qəbələdən yollanacaq.

Xatırladaq ki, sentyabrın 17-də Tovuz şəhər stadionunda keçiriləcək “Turan Tovuz” – “Qəbələ” oyunu saat 16:30-da başlayacaq.

Oxşar xəbərlər

"Zirə" ilə "Qəbələ" üz-üzə gələcək - Yoxlama görüşü

“Qəbələ” “Qəbələ”yə qarşı oynayacaq - Yoxlama oyunu

“Qəbələ” “Sabah”la oyun üçün hazırlığa start verdi

"Qəbələ" Bakı Olimpiya stadionunda

"Qəbələ" Gəncə klubu ilə qarşılaşacaq