İtaliyanın Milan şəhərində qılıncoynatma üzrə dünya çempionatı keçirilir.
Sportfm.az xəbər verir ki, qılıncoynatmanın sablya növü üzrə qadınların şəxsi yarışında təsnifat mərhələsinə yekun vurulub.

Qrup mərhələsini uğurla adlayan Səbinə Kərimova, Valeriya Bolşakova və Palina Kaspiaroviç ən güclü 64-lüyə yüksəlmək uğrunda keçirilən görüşlərdə məğlub olaraq mübarizəni dayandırıb.

Qadın sablyaçıların dünya reytinqində 7-ci olan Anna Başta mübarizəyə birbaşa əsas mərhələdən qoşulacaq. Anna ən güclü 32-liyə yüksəlmək uğrunda keçiriləcək qarşılaşmada hindistanlı Anandha Çadalavada ilə qarşılaşacaq. Əsas mərhələnin görüşləri sabah keçiriləcək.

Kişi şpaqaçıların şəxsi yarışında ölkəmizi təmsil edən Ruslan Həsənov qrup mərhələsini adlayaraq ən güclü 64-lüyə kimi irəliləməyi bacarsa da, 32-liyə yüksəlmək uğrunda keçirilən görüşdə Almaniya təmsilçisi Marko Brinkmana 7:15 hesabı ilə uduzub. Barat Quliyev isə mübarizəni qrup mərhələsində dayandırıb.

Oxşar xəbərlər

Yaponlar bizdən güclü oldu - Dünya Kuboku

Millimiz Dünya Kubokunda 9-cu oldu

Yığmamız DÇ-də 1/4 finala yüksəldi

Qılıncoynadanlarımız dünya çempionatının 1/4 finalında

İdmançılarımız Dünya Çempionatında