Vitali Borisov futzal millimizin baş məşqçisi vəzifəsinə təsdiqlənib.
Sportfm.az xəbər verir ki, bu barədə AFFA İcraiyyə Komitəsinin iclasından sonra baş katib Sərxan Hacıyev jurnalistlərə açıqlamasında deyib.
“Vitali Borisovun kimliyi futzalsevərlərə yaxşı tanışdır. Onun adı millinin baş məşqçisi vəzifəsinə namizəd kimi irəli sürülmüşdü. İcraiyyə Komitəsi də Borisovun namizədliyini təsdiqlədi. O, artıq millimizin yeni baş məşqçisidir”, - deyə S.Hacıyev bildirib.
Qeyd edək ki, Vitali Borisov Azərbaycan millisinin, eləcə də “Araz-Naxçıvan”ın heyətində çıxış edib, kapitan sarğısını daşıyıb. O, futzalçı kimi müxtəlif illərdə Rusiya və Serbiya klublarında da legioner həyatı yaşayıb. Məşqçi kimi isə 2 il əvvəl “Neftçi” İK-da fəaliyyət göstərib. O, komandada köməkçi-məşqçi vəzifəsini icra edib. 2021-2022-ci il mövsümündə “Neftçi” İK Yüksək Liqanın bürünc medalını qazanıb, Azərbaycan kubokunun qalibi olub.

Oxşar xəbərlər

Millimizin yeni baş məşqçisi kim olacaq?

Millinin üzvü “Araz-Naxçıvan”da

"Milli üzvlərinin fiziki hazırlıqları bir o qədər yaxşı deyil" - Vitali Borisov

AFFA-da bir ilk - İşçi Qrupu yaradılır

Millinin baş məşqçisi "Neftçi"də - Təyinat