FİFA rəsmi internet saytında ABŞ, Kanada və Meksikada keçiriləcək DÇ-2026-nın loqosunu təqdim edib.

Sportfm.az xəbər verir ki, loqoda dünya çempionatının kuboku müxtəlif rənglərdə 26 rəqəminin dəfələrlə təkrarlanması ilə formalaşmış naxış fonunda əks olunub. Loqo Los-Ancelesdə (ABŞ) rəsmi tədbirdə təqdim olunub.  

FİFA dünya çempionatının oyunlarına ev sahibliyi edəcək ABŞ, Kanada və Meksikanın 16 şəhərinin hər birinin loqolarının tezliklə ictimaiyyətə təqdim ediləcəyini açıqlayıb.

DÇ-2026 tarixdə 48 komandanın iştirak etdiyi ilk yarış olacaq. Daha əvvəl dünya çempionatlarında 32 komanda çıxış edirdi. Hazırkı dünya çempionu 2022-ci ildə Qətərdə titul qazanan Argentinadır.

Oxşar xəbərlər

Dünya çempionatının açılış matçı Meksikada olacaq

DÇ-2026-nın rəsmi şüarı - “Biz 26-yıq"

DÇ-2026-nın loqosu təqdim edildi - FOTO

DÇ-2026-ya ev sahibliyi edəcək şəhərlər bilindi - SİYAHI

İnfantino inadından əl çəkmir