“Qəbələ”nin futbolçusu Omar Hani Azərbaycan çempionatında 50-ci oyununu keçirib.

Sportfm.az xəbər verir ki, iordaniyalı yarımmüdafiəçinin yubileyi Premyer Liqanın 31-ci turuna təsadüf edib.

24 yaşlı legioner “Sumqayıt”la səfər görüşündə sonradan meydana daxil olub.

Omar “qırmızı-qaralar”ın 0:2 hesabı ilə geridə olduğu matçda komandasının ilk qolunu vurub. Yubiley matçındakı bu topdan sonra daha iki dəfə fərqlənən “Qəbələ” geridönüşlə 3 xal qazanıb – 3:2.

Hani Premyer Liqada 2021-ci il sentyabrın 11-də “Sabah”la səfər matçında (2:0) debüt edib. O, ötən mövsüm 21, cari çempionatda 29 dəfə meydana çıxıb. İordaniyalı futbolçu bu qarşılaşmalarda 3 qola imza atıb.

Xatırladaq ki, Omar “Qəbələ”nin forması ilə Premyer Liqada 50 və daha çox oyun keçirən 36-cı futbolçudur.

Oxşar xəbərlər

Omar Hani "Qəbələ"dən yola salındı

Qismət 150-yə çatdı

Kapitan üçün uğursuz yubiley oyunu

"Qəbələ"nin futbolçusu 100-ə çatdı - Misli Premyer Liqası

Muradov “100”ə çatdı