Avropa Voleybol Konfederasiyası (CEV) Azərbaycan Voleybol Federasiyasının (AVF) əməkdaşlarına növbəti dəfə etimad göstərib.

Sportfm.az xəbər verir ki, AVF-nin Regional İnkişaf Mərkəzinin rəhbəri, Avropa Voleybol Konfederasiyasının (AVK) Avrokuboklar Komissiyasının üzvü Nərgiz İsmayılova Gürcüstanın Telavi şəhərində təşkil olunacaq 17 yaşadək qızların Avropa çempionatının ikinci təsnifat mərhələsində D qrupunun oyunlarına supervayzer təyin olunub. Bu qrupda ev sahibi Gürcüstanla yanaşı, Avstriya, İsrail və Rumıniya yığmaları yer alıb. D qrupunun qarşılaşmaları 21-23 aprel tarixlərində keçiriləcək.

AVF-nin beynəlxalq əlaqələr şöbəsinin rəhbəri, CEV-in Avropa İdman Təşkilatı Komissiyasının üzvü Mixail Frişmana isə U-17 oğlanların Avropa çempionatının ikinci təsnifat mərhələsində D qrupunun qarşılaşmalarına supervayzer təyin olunub. Oyunlar Gürcüstanın Telavi şəhərində 21-23 aprel tarixlərində keçiriləcək. Bu qrupda Estoniya, Fransa, Gürcüstan və Ukrayna yığma komandaları mübarizə aparacaq.

Oxşar xəbərlər

Federasiyası rəsmisi Çempionlar Liqasının oyununda

Eldar Zülfüqarov EEVZA çempionatında - Təyinat

İsmayılova final oyununu idarə edəcək - Çağırış Kuboku

Federasiya rəsmimiz Çempionlar Liqasının oyununda

Federasiya rəsmimiz Çempionlar Liqasında