“Neftçi”nin ev oyunlarını keçirdiyi “Bakcell Arena”da 57 nömrəli tam orta məktəbin müəllim, 6-11-ci sinif şagirdləri, həmçinin “Məktəblinin dostu” layihəsinin əməkdaşlarından ibarət “İdmansevərlər” qrupunun iştirakı ilə stadion turu təşkil olunub.

Sportfm.az xəbər verir ki, qonaqlar klubun muzeyi, fan-şop, “ağ-qaralar”a məxsus paltardəyişmə otağı, konfrans zalı və stadiondakı digər ərazilərlə tanış olub, meydançaya ayaq basıblar.

Daha sonra “Türk Hava Yolları Futbol Mərkəzi”nə yollanan “İdmansevərlər” qrupunun üzvləri əsas komandanın məşqini izləyib, futbolçularla söhbətləşib, şəkil çəkdirib və onlardan avtoqraf alıblar. Sonda bir-birinə hədiyyə təqdim edən tərəflər xatirə şəkli çəkdiriblər.

Oxşar xəbərlər

Şəhid övladları üçün stadion turu - VİDEO

"Neftçi" məşhur şirkətlə müqavilə bağladı - 1 illik

"Neftçi" son məşqinə çıxdı - oyuna hazırdı

“Neftçi" Türkiyəyə yollanır - Toplanış

“Neftçi” uşaqların arzularını həyata keçirəcək