- Bilirəm, bu bir qədər təəccüblü gəlir. Çünki indi demək olar ki, bütün yığmaların heyətində "gəlmələr”, əsasən braziliyalılar çıxış edir. Biz bundan imtina etmişik. 

- Əlbəttə, birincisi onları dəvət etmək üçün külli miqdarda vəsait lazımdır. Bizdə o pul yoxdur, olsa belə mən qətiyyən bunun əleyhinəyəm. Onlar gəlib burada 3-5 ilə xeyli pul qazanacaq, biz həmin maliyyəni uşaq futzalının inkişafına yönəldə bilərik. Qoy gəlsinlər, klublarda ustalıqlarını nümayiş etdirsinlər, yığmada isə öz uşaqlarımız oynamalıdır. 

- Siz təsəvvür edirsiniz artıq Avropanın aparıcı futzal komandalarında braziliyalıların sayı 65 faizə barəbərdir. Bu çox dəhşətli rəqəmdir. Axı futzalı təkcə onlar oynamır. Bəli, onlar ilkin mərhələdə kömək edir. Ancaq bu çıxış yolu deyil. Yavaş-yavaş yerli futzalçılara güvənmək lazımdır. Yaxşı yadımdadır, bir müddət önsə Azərbaycanda Rusiyadan gələn adlı-sanlı, yaşlı futzalçılar top qovurdu. Onların sizin yerli oyunçuların inkişafında çox böyük rolu oldu. 

- Biz Bakıya tam heyətlə gəlməmişik. Azərbaycana ancaq Moldova çempionatında özünü yaxşı tərəfdən göstərən futzalçılar dəvət olunub. Yığmamızın əsas üzvləri Rumıniya birinciliyində mübarizə aparan klublarda oynayır. Onlar Moldova yığmasının aparıcı oyunçularıdır. Ancaq təbii ki, baş məşqçi belə matçlarda yeniləri mütləq yoxlamalıdır. Bu görüşlər məhz onun üçündür. 

- Bizim yerli çempionat çox maraqlı keçir. Bunu təkcə mən demirəm, xaricdən gələn mütəxəssislərdə bu faktı təsdiqləyir. Bizdə Yüksək Liqada 8 kollektiv mübarizə aparır. Onlardan 2-3 komanda hər mövsüm çempionluq uğrunda yarışır. Biz turnirdəki rəqabətdən çox razıyıq.