İspaniya məhkəməsi braziliyalı futbolçu Neymarın 2013-cü ildə Braziliyanın “Santos” klubundan İspaniya “Barselona”sına transferi ilə bağlı qaldırılan dələduzluq işinə xitam verib.

Sportfm.az xəbər verir ki, həm 30 yaşlı hücumçu, həm də keçid zamanı maliyyə yeyintisində günahlandırılan digər şəxslər bəraət alıblar.

Məhkəmədə müqavilənin saxta olması sübuta yetirilməyib və oyunçunun 5 il müddətinə azadlıqdan məhrum edilməsini istəyən Braziliyanın DIS şirkətinin şikayəti rədd edilib.

Neymarla yanaşı, onun valideynlərinə, “Santos” klubunun keçmiş prezidenti Odilio Rodrigesə, həmçinin “Barselona”nın sabiq rəhbərləri Sandro Rosel və Xosep Bartomeuya da bəraət verilib.

Oxşar xəbərlər

Neymarın başı dərddə - Həbs edilə bilər

Danışılmış matçlarda ittiham olunanlar bəraət qazandı - 28 nəfər

Neymar Barcelona-ya uduzdu

"Barselona"nın sabiq prezidenti azadlığa buraxıldı

FİFA-nın sabiq məmuruna bəraət verildi