Bu gün futbol üzrə dünya çempionatı start götürəcək.

Sportfm.az xəbər verir ki, Qətərdə keçirilən mundialın açılış oyununda ev sahibi komanda ilə Ekvador yığması üz-üzə gələcək.

A qrupunun oyunu saat 20:00-da başlayacaq. 60 minlik azarkeş tutumuna malik “El-Bayt” stadionundakı matçı italiyalı Daniele Orsato idarə edəcək. Oyundan əvvəl açılış mərasimi olacaq.

Qətər mundiala ev sahibliyi edən 18-ci ölkə kimi tarixə düşəcək. DÇ-2022 32 komandanın iştirakı ilə baş tutan sonuncu dünya çempionatı olacaq. 2026-cı ildə ABŞ, Meksika və Kanadanın birgə təşkil edəcəyi çempionatda 48 milli komanda mübarizə aparacaq.

2018-ci ildə keçirilən sonuncu dünya çempionatının qalibi Fransa yığması olmuşdu.

DÇ-2022-nin qalibi 40 milyon dollar qazanacaq. İkinci yeri tutan milli komanda 30 milyon, üçüncü yerin sahibi 27 milyon dollar əldə edəcək.

DÇ-2022, 1-ci tur

A qrupu

Qətər – Ekvador 0:0 (1-ci hissə)
Baş hakim: Daniele Orsato (İtaliya)
“El-Bayt” stadionu

Oxşar xəbərlər

Dünya çempionatında 2-ci tura start verilir - DÇ-2022

İlk oyunu Ekvador qazandı - DÇ-2022

Bugün Qətərdə futbol üzrə dünya çempionatı start götürəcək - TƏQVİM

Rusiya telekanalları FİFA-ya 39 milyon ödəyəcək

DÇ-2022-nin təqvimi dəqiqləşib