Azərbaycan cüdoçusu Səid Mollayi Özbəkistanın paytaxtı Daşkənddə keçirilən dünya çempionatında yarımfinala yüksəlib.

Sportfm.az xəbər verir ki, 81 kq-da çıxış edən idmançı 1/4 finalda koreyalı cüdoçu Li Yunvana qalib gələrək buna nail olub. Səid yarımfinalda gürcüstanlı idmançı Tato Qriqalaşviliyə qarşı mübarizə aparacaq.

S.Mollayi ilk görüşündə slovakiyalı idmançı Aleks Bartonu, 1/8 finalda mərakeşli idmançı Aşraf Mutilini məğlub edib.

81 kq-da çıxış edən Elcan Hacıyev isə 1/32 finalda böyük britaniyalı Laçlan Morheadla qarşılaşıb. Rəqibinə ipponla uduzan idmançı yarışla vidalaşıb.