Bu gün qadın voleybolçular arasında Azərbaycan Super Liqasında növbəti oyunlar keçiriləcək. Apasport.az saytının məlumatına görə, günün mərkəzi matçında "Telekom” "Azərreyl”i sınağa çəkəcək.

 

"Gənclik” Olimpiya Kompleksində baş tutacaq matç böyük ölçüdə çempionun adına aydınlıq gətirəcək. "Telekom” əvvəlki 3 oyunda olduğu kimi yenə qalib gələcəyi halda vahid liderə çevriləcək. Əks halda, "Azərreyl” qızıl medallara bir addım da yaxınlaşacaq.

 

Artıq bürünc medalı təmin edən "Azəryol” isə "Lokomotiv”lə üz-üzə gələcək. Eldar Yusubovun komandasının asan qələbə qazanacağı gözlənilir.

 

10 mart

14:00. "Azəryol” – "Lokomotiv”

"Azərreyl” Voleybol Bazası

 

I dövrə: "Lokomotiv” – "Azəryol” - 0:3 (16:25, 11:25, 15:25)

II dövrə: "Azəryol” - "Lokomotiv” - 3:0 (25:8; 25:9, 25:11)

III dövrə: "Lokomotiv” – "Azəryol” - 0:3 (19:25; 16:25; 16:25)

 

 

17:00. "Telekom” – "Azərreyl”

"Gənclik” Olimpiya Kompleksi

 

I dövrə: "Azərreyl” – "Telekom” - 2:3 (26:24, 26:24, 20:25, 14:25, 13:15)

II dövrə: "Telekom” - "Azərreyl” - 3:2 (25:19, 15:25, 23:25, 25:23, 16:14)

III dövrə: "Azərreyl” – "Telekom” - 2:3 (20:25, 25:22, 25:22, 12:25, 9:15)