Eldar Yusubovun yetirmələrinin I dövrədə olduğu kimi, rəqibinə çətin anlar yaşatsa da, yekunda qalib gələ bilməyiblər. İlk iki seti "Telekom" qazanıb. Üçüncü hissədə isə möhtəşəm mübarizə gedib. "Azəryol" rəqibini 31:29 hesabı ilə məğlub edib. 4-cü seti də "yolçəkənlər" qazanaraq qarşılaşmanın taleyinin tay-brekdə həll olunmasına nail olublar. Ancaq onların gücü bundan artığına çatmayıb. Həlledici mərhələdə 15:6 hesabı ilə qalib gələn "rabitəçilər" qələbəni bayram ediblər.

Qeyd edək ki, turun "Lokomotiv” – "Azərreyl” matçı təxirə salınıb. Buna səbəb Vüqar Əliyevin komandasının Naxçıvan Muxtar Respublikası İdman və Gənclər Nazirliyinin təşkilatçılığı ilə keçirilən yarışda iştirakıdı.

 

İlk dövrə: "Telekom” – "Azəryol” - 3:1 (23:25, 25:19, 25:15, 26:24)