Ukrayna Gənclər və İdman Nazirliyi 2022/23 mövsümündən başlayaraq ölkədə futbol çempionatının keçirilməsinə icazə verib.

Sportfm.az xəbər verir ki, bu qərar polis və müdafiə strukturları ilə razılaşdırıldıqdan sonra çıxarılıb. Premyer Liqaya avqustun 23-də start veriləcək.

Qeyd edək ki, Rusiyanın Ukraynaya hərbi hücumundan sonra, fevralın sonlarında bu ölkədə futbol da daxil olmaqla bütün idman yarışları dayandırılıb.

Yeni futbol mövsümünə gəlincə, ölkədə müharibə davam etdiyindən insanların təhlükəsizliyi nəzərə alınaraq oyunlar azarkeşlərin iştirakı olmadan keçiriləcək. Matçlara yalnız akkreditə olunmuş məhdud sayda şəxslərin - futbolçuların, məşqçilərin, hakimlərin, texniki heyətin, görüşün rəsmi şəxslərinin, akkreditə olunmuş KİV nümayəndələrinin, tibbi xidmətin, Dövlət Fövqəladə Hallar Xidmətinin və Milli Polisin iştirakına icazə verilir.

İdman qurğularının operatorlarından evakuasiya planı və sığınacaqları məlumat vermələri etmələri tələb olunur. Arenalar bütün dövlət təhlükəsizlik qaydalarına uyğun gəlməlidirlər ki, yarışlarda iştirakçıların tam tərkibini qəbul edə bilsinlər. Bundan başqa, stadionlardan 500 metrdən çox olmayan məsafədə sığınacaqlar olmalıdır.

Ukraynanın Gənclər və idman naziri Vadim Qutsayt sosial şəbəkədə yazıb: “Hava hücumu xəbərdarlığı zamanı stadionun diktoru bunları elan etməlidir: “Diqqət! Hava xəbərdarlığı! Hər kəsdən sığınacağı getməyi xahiş edirik!” Bu zaman matçın hakimi dərhal oyunu dayandırmalı və və komandalarla birlikdə sığınacağa yollanmalıdır”.

Oxşar xəbərlər

Ukraynada idman yarışları ləğv edilir - Qərar

İdman yarışları ilə bağlı yeni qərarlar

Olimpiya komplekslərində məşqlərə icazə verildi

Bakıda AVRO-2020-yə həsr edilən tədbir baş tutdu

Bakıda yeni velosiped idmanı klubu yaradıldı - DTX-nin nəzdində