Futbol üzrə Türkiyə Super Liqasında 23-cü tura yekun vurulub.

Sportfm.az xəbər verir ki, ilk oyun günündə dörd qarşılaşma baş tutub.

Səfərdə “Yeni Malatyaspor”la qarşılaşan “Beşiktaş” turu xal itkisi ilə başa vurub. “Fənərbaxça” da “Sivasspor”la səfər oyunundan 1 xalla ayrılıb. “Başakşəhər” isə bu dəfə doğma meydanda son turların uğurlu komandası “Göztəpə”yə məğlub olub. “Adana Dəmirspor” isə “Fatih Karagümrük”lə ev oyununda 5 cavabsız qola sevinib.

Sonuncu oyun günündə altı qarşılaşma baş tutub. “Antalyaspor” – “Qaziantep” və “Hatayspor” – “Rizəspor” matçlarında qapılara qol vurulmayıb. “Kasımpaşa” “Kayserispor”la ev oyunundan, “Alanyaspor” isə “Girəsunspor”la səfər matçından inamlı qələbə ilə ayrılıb.

Turnir cədvəlinin ikinci pilləsində qərarlaşmış “Konyaspor” səfərdə “Altay”ı minimal hesabla üstələyib.

Turun mərkəzi görüşü İstanbulda keçirilib. Lider “Trabzonspor” son turlarda uğursuz çıxış edən “Qalatasaray”ın qonağı olub. Üç qolun qeydə alındığı matç trabzonluların əzmkar qələbəsiylə yekunlaşıb.

Türkiyə Super Liqası
23-cü tur
22 yanvar

Yeni Malatyaspor – Beşiktaş 1:1
Qol: A.Büyük, 84-pen – A.Teyşeyra, 62.

Adana Dəmirspor – Fatih Karagümrük 5:0
Qol: Assombalonqa, 36; 67. Y.Akgün, 59; 90. Balotelli, 83.

Sivasspor – Fənərbaxça 1:1
Qol: P.Enrike, 74 – Zayç, 18.

Başakşəhər – Göztəpə 1:2
Qol: Aleksiç, 90+5 – Ndiaye, 38. Akbunar, 87.

23 yanvar

Antalyaspor – Qaziantep 0:0

Kasımpaşa – Kayserispor 3:1
Qol: K.Subaşı, 15-öz qapısına. U.Bozok, 39. A.Engin, 52 – Qavranoviç, 12.

Hatayspor – Rizəspor 0:0

Girəsunspor – Alanyaspor 1:3
Qol: U.Nayir, 41 – Davidson, 5. E.Akbaba, 6; 90+7.

Altay – Konyaspor 0:1
Qol: Koka, 68-pen.

Qalatasaray – Trabzonspor 1:2
Qol: Çikaldau, 31-pen – Bakasetas, 84. Vişça, 90.