"Seminarımızın məqsədi müvafiq yaş qruplarında olan qapıçılarımıza müasir futbolun sirrlərini öyrətməkdir. Tədbir zamanı, oyunda qapıçının vəzifələrini və onlardan nələr tələb olunduğunu izah etməyə çalışdıq. Həmçinin, qapıçıların təməl texnikası haqqında geniş müzakirələr apardıq. Seminarda videoçarxlar vasitəsi ilə müxtəlif vərdişlər nümayiş etdirdik. Nəzərdə tutmuşuq ki, gələcəkdə, ayda iki dəfə belə seminarlar təşkil edək. Düşünürəm ki, bu bizim futbolumuz üçün çox faydalı olacaq".

 

Qeyd edək ki, tədbirdə U-14, U-15, U-16, U-19 liqalarında çıxış edən yeniyətmə və gənc qapıçılar iştirak edib.