Azərbaycan millisinin futbolçusu Renat Dadaşovun icarə əsasında çıxış etdiyi "Tondela" Portuqaliya Kubokunda yarımfinala vəsiqə qazanıb.

Sportfm.az xəbər verir ki, Tondela şəhərinin eyniadlı təmsilçisi 1/4 finalda "Riu Ave"ni minimal hesabla üstələyərək bu uğura nail olub.

Qarşılaşmada yeganə qolu məhz Dadaşov vurub. Əsas vaxtı qolsuz başa çatan görüşün 95-ci dəqiqəsində meydana çıxan 23 yaşlı hücumçu cəmi 1 dəqiqə sonra fərqlənərək, komandasını növbəti mərhələyə çıxarıb.

"Tondela"nın yarımfinaldakı rəqibi "Portimonensi" - "Mafra" cütünün qalibi olacaq.

Qeyd edək ki, Renat Dadaşov müqavilə ilə İngiltərənin "Vulverhempton" klubuna məxsusdur.

Oxşar xəbərlər

Renat Dadaşovun komandasından bir ilk - Finala yüksəldi

Dadaşov "Benfika"ya qarşı oynadı - 18 dəqiqə

Dadaşovun komandası qələbə qazandı - Portuqaliya çempionatı

Millimizin hücumçusu karantinə alındı - Koronavirusa görə

Dadaşov Portuqaliyada yoluna davam edir - Kubok