Topaz Premyer Liqasında "Zirə” ilə oyunun sonlarında zədələnən Şəhriyar Əliyevin durumuna aydınlıq gəlib.

 

Sportfm.az xəbər verir ki, müayinədən keçən müdafiəçiyə sol çiyin qurşağının ikinci dərəcəli bağ gərilməsi diaqnozu qoyulub. Komandanın tibb personalından klubun rəsmi saytına verilən məlumata görə, Əliyevin müalicəsi davam etdirilir. Futbolçu zədəsi səbəbindən "Sumqayıt” ilə görüşdə iştirak edə bilməyəcək. Onun həftəsonu "Qarabağ” ilə oyuna kimi hazır olacağı gözlənilir.

 

Komandanın digər zədəli oyunçuları Tural Axundov ilə Azad Kərimov artıq sıraya dönüb. Ötən tur "Zirə” ilə görüşü buraxan futbolçular bu gün komanda ilə birgə məşqlərə qoşulublar.