Uzun müddət zədəli olan "Kəpəz”in futbolçusu Şəhriyar Əliyevin müalicə prosesi başa çatıb. Sportfm.az-ın məlumatına görə, klubun tibb personalından klubun rəsmi saytına verilən məlumata görə, müdafiəçinin durumu yaxşıdır. Bununla belə Əliyev bir müddət istirahət etməli və sonra məşqlərə başlamalıdır. Şəhriyarın gələn ilin əvvəlindən məşqlərə çıxması nəzərdə tutulub. Bu isə o deməkdir ki, arxa xətt oyunçusu "İnter”lə kubok, "Qəbələ” ilə çempionat matçlarında komandaya kömək edə bilməyəcək.

Sentyabrda "Qarabağ”la ev oyununda zədələnən futbolçu diz nahiyəsinin iç yan bağında gərilmə və ön çarpaz bağda degenerasiyadan əziyyət çəkib.