Braziliya prezidenti Jair Bolsonaro futbol üzrə dünya çempionatının iki ildən bir keçirilməsi ideyasını dəstəkləyib.

Sportfm.az xəbər verir ki, dövlət başçısı fikirlərini həvəskar futbolçu kimi ifadə edib.

Onun sözlərinə görə, belə ideya dəstəklənməlidir: "Bu, iqtisadi sahəyə kömək edəcək. Nadir hallarda hansısa yarış 4 ildən bir keçirilir".

Qeyd edək ki, hazırda dünya çempionatı 4 ildən bir keçirilir. Növbəti mundial 2022-ci il noyabrın 21-dən dekabrın 18-dək Qətərdə olacaq.